За мене

Јас сум Маријана Софронијоска Тинтар, лиценциран психолог и м-р по психолошки науки од областа на личност и советување. Додипломските и постдипломските студии ги завршив на Универзитетот „Св. Кирил и Методиј“ во Скопје. Сертифицирана сум и за професионално вршење на активности во областа на интегралната психодинамска психотерапија, за вршење на психодијагностички проценки на личност и за автоген тренинг и антистрес терапија.

Ако ме прашате зошто сум ја избрала психологијата, ќе се обидам накратко да одговорам дека отсекогаш сум била фасцинирана од човековата личност, ме интересирало што нè поттикнува, што нè лекува, што нè поврзува? Разбирањето на психологијата не е само за решавање на проблемите - иако многумина мислат така.

Мојата улога како психолог и советник е да им помогнам на другите да се усогласат со својата вистина и да го пронајдат својот пат. Ова не е само работа, туку е дел од мене. Се фокусирам на силните страни на клиентите, на зајакнување, разбирање и водење на поцелосен живот. Секојдневно, се инспирирам од издржливоста и потенцијалот во секој од нас. Работам како психолог затоа што верувам во моќта на промената, растот, исцелувањето и во силата на човечкиот дух. Колку и да изгледа тешко, сите ние имаме капацитет да ги менуваме работите на подобро.

Во работата, создавам безбедна и поддржувачка средина, целосно се фокусирам на личноста на клиентот преку интегративен пристап со комбинирање на различни методи и техники кои би одговарале на потребите на секој клиент поединечно. Себеси се доживувам како активен и емпатичен слушател, се трудам да пронајдам креативни начини да ги предизвикам бариерите со кои се соочуваат клиентите на нивиот животен пат. Вистински верувам во поврзаноста помеѓу умот и телото.

Можете да ми се обратите преку порака доколку Ви е потребна психолошка поддршка. Низ образовниот процес, имам стекнато мошне практично искуство во здравствени и образовни центри, како и во центри за деца со посебни потреби. Сесиите се одржуваат Online.

Зошто да ме изберете мене за Ваш психолог?

Мојата работа се одликува со емпатичен и неосудувачки пристап. Ќе наидете на почит и разбирање, индивидуализарана поддршка, преку пристап што вам најмногу ви одговара, без разлика со што се соочувате.

Работата се се темели на научно поткрепени методи кои ќе помогнат да се направат вистински и трајни промени, а сè се одвива во безбедна и доверлива средина. Можете слободно да зборувате и да ги изразите своите емоции, сè што се разговара на сесиите останува меѓу нас.

Ќе добиете поддршка за широк спектар на проблеми, како анксиозност, депресија, партнерски или семејни проблеми, ниска самодоверба итн. Сесиите се одржуваат online, а согласно потребите, може да закажете индивидуално или партнерско советување.


 

Предности од психолошкото советување

Како психолог, во работата се насочувам кон мислите, емоциите, и однесувањето кај клиентот. Психолошкото советување нуди безбеден простор за самоистражување и помага да се развијат стратегии за поефикасно справување со животните предизвици. Инвестирањето во менталната добросостојба е чекор кон поздрав и поисполнет живот. Целта на психолошкото советување е прифаќање на реалноста и насока кон промена што би овозможила отстранување на минливи проблеми. Средишниот предизвик во советувањето е чувството на немоќ, па задачата е ослободување на поединецот од страв и напнатост, овозможување на промена на ставовите, за да може да го промени однесувањето во однос на себеси и другите луѓе. Клиентот одлучува сам, бара и наоѓа целисходни форми за решавање на своите тешкотии. Основното средство во советувањето е употребата на зборови, а произлегува од сознанијата кои се значајни за ментално-хигиенските сфаќања, дека човекот има потреба од друг човек со кој би можел да разговара.


Предностите од психолошкото советување се:

  • - развивање на стратегии за справување со стрес,
  • - развивање на стратегии за справување со комплицирана семејна динамика,
  • - развивање на стратегии за справување со големи животни транзиции,
  • - ефективно третирање на состојби поврзани со менталното здравје (анксиозност, депресија итн.),
  • - градење на самодоверба и самопочит,
  • - учење за справување со емоции,
  • - добивање на емоционална поддршка и валидација,
  • - оспособување за промена на самоуништувачките однесувања/навики,
  • - намалување на стресот,
  • - намалување на злоупотребата на супстанции,
  • - подобрување на вештините за комуникација,
  • - подобрување во решавањето на конфликти,
  • - подобување на психофизичкото здравје,
  • - подобрување и зголемување на самосвеста,
  • - подобрување на управувањето со лутината,
  • - подобрување на личното функционирање,
  • - подобрување на односите и врските,
  • - подобрување на соработката со семејството,
  • - подобрување и промена на негативното однесување, и многу други.

Facebook     Instagram